Freddie Ljungberg, tímabundinn stjóri Arsenal átti að ræða við fréttamenn á fundi í dag. Búið er að fresta fundinum.

Fundurinn fer fram á morgun fyrir leikinn gegn Everton um helgina, í ensku úrvalsdeildinni.

Arsenal vonast til þess að kynna Mikel Arteta, sem nýjan stjóra félagsins áður en fundurinn fer fram á morgun.

Arteta er aðstoðarþjálfari City í dag en hann hefur fundað með Arsenal frá því á sunnudag. Arsenal þarf að semja við City um að losa Arteta frá störfum.

Forráðamenn City eru hins vegar alveg brjálaðir, þeir skilja ekki af hverju Arsenal hefur ekkert rætt við þá. Félagið telur sig eiga rétt á að vera með í ráðum. Ekki er þó búist við því að City muni reyna að standa í vegi fyrir Arteta.