Daniel Levy, eigandi Tottenham, viðurkennir það að Christian Eriksen gæti verið seldur til annars félags í úrvalsdeildinni í janúar.
Eriksen verður samningslaus næsta sumar en hann hefur ekki viljað krota undir samning og er orðaður við Manchester United.
,,Við erum ekki hræddir við að stunda viðskipti við keppinauta okkar,“ sagði Levy við Evening Standard.
,,Hvernig ég sé þetta er mjög einfalt. Til þess að leikmaður skrifi undir samning þá þarf það að henta báðum aðilum og hann þarf að vilja það.“
,,Það er undir þessum leikmönnum komið hvort þeir vilji spila fyrir Tottenham og við sjáum til.“
