Dimitar Berbatov, fyrrum leikmaður Manchester United, segir að félagið þurfi ekki á Erling Haaland að halda.
Haaland er 19 ára gamall leikmaður RB Salzburg og er sterklega orðaður við United til að styrkja sókn liðsins.
,,Haaland er góður leikmaður og hann er enn ungur. Hann er að þroskast og gæti orðið betri,“ sagði Berbatov.
,,Ég hef þó sagt það mörgum sinnum að Marcus Rashford og Anthony Martial séu framherjarnir sem United þarf að halda. Ég elska þá.“
,,Ég spilaði með Martial hjá Monaco og veit hversu góður hann getur orðið. Nú getur hann þróast í stórstjörnu.“
,,Að mínu mati þá þurfa þeir að halda í þessa tvo leikmenn.“
