Manchester United hefur gefið 30 þúsund miða á leiki liðsins á síðustu vikum, þar á meðal gegn Colchester í deildarbikarnum í kvöld. Miðarnir fara allir til barna.

Öll börn undir 16 ára hafa getað sótt um að fá miða á leikina gegn Astana, Partizan og AZ Alkmaar í Evrópudeildinni.

Börnin fá einnig frítt á leikinn gegn Colchester í kvöld, með þessu er félagið að reyna fylla völlinn þegar fremur ómerkilegir leikir eru í gangi.

Skólar, fótboltalið í Manchester og samtök sem eru að styðja við börn hafa forgang á miðana. Félagið segist vera að hjálpa ungu fólki að upplifa drauminn.

Ljóst er þó að félagið mun ekki bjóða fólki fría miða á leiki sem er hægt að selja upp á.