Everton er úr leik í enska deildarbikarnum eftir leik við Leicester í spennandi slag á Goodison Park.
Everton var slakt í fyrri hálfleik í kvöld og leiddi Leicester sanngjarnt 2-0 eftir fyrstu 45 mínúturnar.
Tom Davies tókst að laga stöðuna fyrir heimamenn í seinni hálfleik og voru lokamínúturnar spennandi.
Á 91. mínútu þá skoraði Leighton Baines frábært mark fyrir Everton með langskoti og tryggði liðinu vítakeppni.
Í vítakeppninni hafði Leicester þó betur en Kasper Schmeichel varði tvær spyrnur frá heimamönnum og fara gestirnir áfram.
Manchester City spilaði á sama tíma við smálið Oxford en leikið var á útivelli.
Englandsmeistararnir voru ekki í miklum vandræðum með Oxford í leik sem endaði með 1-3 útisigri.
Manchester United er einnig komið áfram en liðið vann sannfærandi 3-0 heimasigur á Colchester.
Everton 2-2 Leicester City (Leicester áfram eftir vítakeppni)
0-1 James Maddison
0-2 Jonny Evans
1-2 Tom Davies
2-2 Leighton Baines
Oxford 1-3 Manchester City
0-1 Joao Cancelo
1-1 Matt Taylor
1-2 Raheem Sterling
1-3 Raheem Sterling
Manchester United 3-0 Colchester
1-0 Marcus Rashford
2-0 Ryan Jackson(sjálfsmark)
3-0 Anthony Martial
