Barcelona og Real Madrid áttust við í spænsku úrvalsdeildinni í kvöld en leikið var á Nou Camp.
Áhorfendur hafa oft fengið að sjá betri leiki en í kvöld en honum lauk með markalausu jafntefli.
Bæði lið eru með 36 stig á toppi deildarinnar og ljóst að spennan í deildinni er mikil.
Þetta var í fyrsta sinn í 17 ár sem El Clasico endar með markalausu jafntefli.
Það gerðist síðast í nóvember árið 2002 en venjan er að áhorfendur fái að sjá allavegana eitt mark í þessari viðureign.
