Red Bull Leipzig hefur staðfest að félagið hafi gert tilboð í Erling Braut Haaland, framherja Red Bull Salzburg. Sömu eigendur eru af þessum félögum.
Manchester United hefur áhuga auk fleiri liða eins og Dortmund, Haaland hefur fundað með öllum þessum liðum.
,,Við höfum gert honum tilboð, og farið yfir hugmyndir okkar um hans hlutverk. Boltinn er hjá honum,“ sagði stjórnarmaður Leipzig.
Haaland er 19 ára norskur framherji sem hefur raðað inn í Austurríki og í Meistaradeildinni. Sagt er að klásúla sé í samningi hans sem gerir honum kleift að fara fyrir 17 milljónir punda.
Búist er við að Haaland taki ákvörðun á allra næstu dögum en hann er afar eftirsóttur.
