Ekki er búist við öðru en að Carlo Ancelotti verði ráðinn knattspyrnustjóri Everton í vikunni. Sky Sports segir frá. Ancelotti er mjög þekkt nafn í knattspyrnunni en hann var síðast hjá Napoli en var rekinn nýlega.
Hann hefur stýrt Juventus, Real Madrid, FC Bayern og nú síðast Napoli auk fleiri liða, að Everton hafi geta sannfært hann kemur mörgum á óvart. Ítalinn þekkir ágætlega til Englands en hann vann deildina og bikarinn með Chelsea á sínum tíma.
Gylfi Þór Sigurðsson spilar með Everton og ljóst er að hann gæti blómstrað undir stjórn Ancelotti.
Sagt er að peningarnir sem Ancelotti fái hjá Evertons séu stærsta ástæða þess að hann taki starfið, hann ætlaði að taka sér frí.
Ancelotti mun þéna 14 milljónir punda á ári, hann fær fjögurra ára samning. Þá fær hann 2,5 milljón punda ef hann heldur Everton í efstu deild.
