Bernd Leno, markvörður Arsenal, segir að vandamál liðsins séu ekki vegna þjálfarans Freddie Ljungberg eða fyrrum þjálfara liðsins, Unai Emery.

Arsenal tapaði 3-0 heima gegn Manchester City í gær og var langt frá því að vera sannfærandi í tapinu.

,,Eftir fjórar eða fimm mínútur þá var þessi leikur búinn. Í fyrri hálfleik áttum við þetta skilið,“ sagði Leno.

,,Við snertum ekki boltann í seinni hálfleik og gátum ekki skapað færi. Við verðum að viðurkenna að það er munur á okkur og toppliðunum.“

,,Við erum með gæði en þegar þú horfir á leikina þá sérðu að það vantar allan kraft og við erum ekki að hugsa skýrt.“

,,Ég held ekki að þjálfarinn sé vandamálið, það þurfa allir að horfa á sig og vera hrienskilnir. Ég held að andlega hliðin sé helsta vandamálið.“