Juventus vann góðan sigur í ítölsku úrvalsdeildinni í gær er liðið spilaði við Udinese á heimavelli.
Cristiano Ronaldo átti góðan leik fyrir Juventus en hann spilaði allar 90 mínúturnar í 3-1 sigri.
Portúgalinn skoraði fyrstu tvö mörk liðsins en Leonardo Bonucci gerði það þriðja fyrir heimamenn.
Gonzalo Higuain var með fyrirliðaband Juventus í gær í um fimm mínútur eftir að Bonucci hafði verið skipt af velli.
Higuain fór svo sjálfur af velli fimm mínútum síðar og lét Ronaldo fá bandið til að klæðast.
Ronaldo neitaði þó að bera bandið og lét þess í stað Blaise Mautidi fá það.
Matuidi var sá útileikmaður sem hafði spilað lengst með Juventus og fannst Ronaldo rétt að gefa honum bandið.
🇵🇹 This happened yesterday in Juventus’ game. Higuain was wearing the captain armband, got subbed off and passed it to Cristiano Ronaldo who refused to wear it and gave it to Matuidi because he’s the longest serving player on the pitch.
Classy stuff. 😎🙌 pic.twitter.com/fUvaO8wlBT
— FutbolBible (@FutbolBible) 16 December 2019
