Freddie Ljungberg, stjóri Arsenal, hefur útskýrt af hverju hann tók Mesut Özil af velli í gær.
Özil var alls ekki sáttur á 58. mínútu í leik gegn Manchester City er Ljungberg ákvað að taka hann af velli.
Svíinn segist þó vera með ástæðu fyrir því og mun taka á viðbrögðum Özil seinna.
,,Ég tók Mesut af velli því ég vildi fá meiri orku í liðið,“ sagði Ljungberg við blaðamenn.
,,Hvernig hann bregst við er undir honum komið og við tökum á því seinna. Ég er hérna tímabundið en auðvitað viljum við sjá leikmennina spila rétt.“
