Jurgen Klopp, stjóri Liverpool, telur að Diego Simeone sé ekki ánægður eftir dráttinn í Meistaradeildinni í morgun.
Simeone er stjóri Atletico Madrid sem mun spila við ríkjandi meistara Liverpool í 16-liða úrslitum.
,,Þessi dráttur var athyglisverður. Áður en dregið var þá bjóst ég við öðru liðinu frá Madríd og þannig var þetta,“ sagði Klopp.
,,Við eigum frábærar minningar frá Madríd, við allir svo þaðer frábært. Nú spilum við þó við Atletico og á þeirra heimavelli.“
,,Ég held að þetta hafi verið mjög góður dráttur, þetta verður erfiður leikur eins og hann á að vera.“
,,Ég held að herra Simeone hafi ekki hlaupið um stofuna hamingjusamur eftir að hafa fengið Liverpool.“
