Allt stefnir í að Arsenal muni á næstu dögum ráða Mikel Arteta, aðstoðarþjálfara Manchester City til starfa.

Forráðamenn Arsenal funduðu á heimili Arteta í Manchester, í gærkvöldi og fram eftir nóttu. Fyrr um daginn hafði City unnið 0-3 sigur á Arsenal í London.

Arteta var áður leikmaður Arsenal en félagið skoðaði að ráða hann fyrir rúmu ári þegar Unai Emery, var ráðinn.

Vinai Venkatesham, stjórnarmaður Arsenal var á heimili Arteta fram eftir nóttu að ræða við hann. Huss Fahmy, lögfræðingur félagsins og maðurinn sem sér um alla samninga, var einnig með.

Samkvæmt frétt Sky Sports þá vissi City ekki af fundinum og vilja fá svör frá Arteta í hvelli, félagið þarf að fylla hans skarð ef hann ætlar að hoppa frá borði.