Aron Sigurðarson, fyrrum leikmaður Fjölnis, hefur skrifað undir í belgísku B-deildinni.
Þetta var staðfest í kvöld en Aron hefur undanfarin ár spilað vel í Noregi með Tromso og Start.
Aron spilaði stórt hlutverk með Start á tímabilinu en hann skoraði 13 mörk í 29 deildarleikjum er liðið fór upp um deild.
Hjá Start vann Aron með Jóhannesi Harðarsyni sem er þjálfari liðsins en það samstarf er komið á leiðarenda.
Aron er genginn í raðir Royale Union Saint-Gilloise í belgísku B-deildinni og mun leika þar á næsta tímabili.
Það er mikill skellur fyrir Start sem vann Lillestrom í umspilsleikjum til að tryggja sætið í efstu deild.
