Jurgen Klopp, stjóri Liverpool, er hættur að fagna mörkum eftir komu VAR í ensku úrvalsdeildina.
Þetta sagði Klopp eftir 2-0 sigur á Watford í gær þar sem mark var tekið af Sadio Mane í leiknum.
,,Ég sá þetta ekki. Eins og þið getið ímyndað ykkur, þegar þú vinnur 2-0, þá hef ég ekki of miklar áhyggjur,“ sagði Klopp.
,,Ég hafði ekki hugmynd um að þetta væri rangstaða. Ég er hættur að fagna mörkum því þú þarft að bíða eftir merkinu um að það sé gefið.“
,,Ég sá ekki Sadio vera fyrir innan, ég hef ekki séð þetta aftur svo ég hef ekki hugmynd.“
