Það bíða margir spenntir eftir því að sjá hvað Carlo Ancelotti gerir næst eftir að hafa yfirgefið Napoli.
Ancelotti var rekinn frá Napoli fyrr í þessari viku og er Gennaro Gattuso tekinn við liðinu.
Talað var um það að þau lið sem vildu fá Ancelotti þyrftu að borga Napoli háa upphæð fyrir hans þjónustu.
Það er þó ekki rétt en Ancelotti er fáanlegur á frjálsri sölu þar sem forseti Napoli, Aurelio de Laurentiis, ákvað að rifta samningi hans.
Everton og Arsenal eru þau lið sem eru mest orðuð við Ancelotti sem var áður hjá Chelsea.
