Manchester United ætlar að eyða allt að 100 milljónum punda í nýja leikmenn í janúar.
Frá þessu greina enskir miðlar en United hefur ekki verið sannfærandi það sem af er tímabili.
Það þarf eitthvað að breytast ef liðið ætlar að komast í Meistaradeildina fyrir næsta tímabil þar sem peningarnir eru.
The Mirror greinir á meðal annars frá því að United muni reyna að klófesta bæði Jadon Sancho og Christian Eriksen.
Eriksen er stjarna Tottenham og vill komast burt en Sancho er einn efnilegasti leikmaður heims og spilar með Dortmund.
Eriksen verður samningslaus næsta sumar og gæti Tottenham neyðst til að selja hann í næsta glugga.
