Jurgen Klopp, stjóri Liverpool, grínaðist í japönskum blaðamanni í dag eftir að hafa framlengt samning sinn við félagið.
Japanskur blaðamaður var mættur á Anfield í fyrsta sinn stuttu eftir að greint var frá því að Takumi Minamino væri á leið til félagsins.
Minamino er á leið til Liverpool frá RB Salzburg en Klopp hefur áður unnið með Japananum Shinji Kagawa hjá Dortmund.
,,Af hverju ert þú hérna? Ég held að við fáum að sjá þig oftar héðan í frá,“ sagði Klopp.
,,Sjáiði, hann talar ekki um Minamimo, hann talar um Shinji Kagawa! Ég elska það, það er frábært og sniðugt.“
,,Ég elskaði að vinna með Shinji, það var frábær reynsla því ég þekkti japanskan bolta ekki vel áður en ég kynntist honum.“
,,Við horfðum á myndband af honum og ákváðum að kaupa hann í kjölfarið.“
