Martin Odegaard, leikmaður Real Madrid, var ekki langt frá því að ganga í raðir Barcelona árið 2015.
Odegaard var þá 16 ára gamall leikmaður Stromsgodset og fór á endanum til Real.
Faðir Odegaard fékk símtöl frá fjölmörgum liðum en hann hefur ekki fengið tækifærið með Real hingað til og spilar með Real Sociedad á láni.
,,Það voru mörg félög sem hringdu í pabba minn. Hann ferðaðist eitt sinn til Barcelona en það gekk ekki upp á endanum,“ sagði Odegaard.
,,Ég held að minn leikstíll myndi henta Barcelona en ég trúi því sama með Real Madrid.“
,,Þeir vilja vinna og þeir spila mjög sóknarsinnaðan bolta. Mér líkar við spænskan fótbolta því öll liðin eru sterk.“
