Scott McTominay er orðinn einn af mikilvægari leikmönnum Manchester United, þessi 23 ára gamli skoski miðjumaður hefur spilað vel.
McTominay fékk nýjan samning hjá United í janúar og þénar hann 30 þúsund pund á viku, í föst laun. Að auki fær McTominay fína bónusa fyrir spilaða leiki.
Nú vill United hækka laun McTominay og bjóða honum 60 þúsund pund á viku, með því getur félagið framlengt samning hans.
Það er hækkun upp á 4,8 milljónir á viku, rúmar 50 milljónir á ári í launahækkun. Ekki dónalegt, það.
Núverandi samningur McTominay er til ársins 2023 en líklegt er að félagið myndi vilja framlengja við hann til 2025.
