Zlatan Ibrahimovic mun ekki gera samning við lið Bologna á Ítalíu en þetta var staðfest í morgun.
Walter Sabatini, yfirmaður knattspyrnumála Bologna, staðfesti það að Zlatan væri ekki á leið til félagsins.
,,Ibrahimovic er ekki á leiðinni til Bologna. Hann tók aðra ákvörðun,“ sagði Sabatini í samtali við Tuttomercatoweb.
Zlatan hefur verið án félags undanfarnar vikur en hann yfirgaf lið LA Galaxy í Bandaríkjunum.
Mestar líkur eru á því að Zlatan sé á leið til AC Milan þar sem hann lék við góðan orðstír á sínum tíma.
