13 ára stuðningsmanni Burnley var kastað út af vellinum hjá Tottenham á laugardag, vegna kynþáttafordóma.

Drengurinn ungi er sakaður um að hafa verið með rasisma í garð Son Heung-Min frá Suður-Kóreu, leikmanns Tottenham sem var á skotskónum í leiknum.

Verðir á vellinum sáu atvikið og tóku drenginn út af vellinum. Lögreglan skoðar nú málið en Burnley aðstoðar yfirvöld.

Félagið segist ætla að hafa samband við drenginn og fjölskyldu hans, með það að leiðarljósi að kenna drengnum lífsins reglur.

,,Burnley vill ítreka það að félagið hefur ekki áhuga á neinum fordómum,“ sagði í yfirlýsingu félagsins.