Federico Pastorello, umboðsmaður Wilfried Zaha, gefur sterklega í skyn að leikmaðurinn sé á förum í janúar.

Zaha var orðaður við brottför í allt sumar en Palace tókst á endanum að halda sínum mikilvægasta sóknarmanni.

Chelsea ku hafa áhuga á Zaha en félagið má kaupa leikmenn á ný þegar glugginn opnar í janúar.

,,Ég tel að hann eigi skilið nýja áskorun hjá toppliði því hann er toppleikmaður,“ sagði Pastorello.

,,Þetta kom mér á óvart því ég las um möguleg skipti í sumar en hann varð áfram. Hann sannar það að hann er mjög einbeittur á þessu tímabili svo janúarglugginn gæti verið annað tækifæri.“