Aurelio de Laurentiis, forseti Napoli, neitar því að hann sé að hringja út um allan bæ að leita að arftaka Carlo Ancelotti.

Ancelotti er orðaður við sparkið þessa dagana en það eru vandræði í gangi hjá Napoli á milli stjórnar og leikmanna.

,,Ég hef aldrei misst trúna á Ancelotti. Ég hef fulla trú á honum sem stjóra og manneskju,“ sagði De Laurentiis.

,,Ég hef ekki tekið ákvörðun um framtíðina, það væru mistök að gera það núna því tímabilið er í gangi.“

,,Eina sem við þurfum að gera er að finna frið. Ég hef ekki hringt í neinn. Ég hef ekki hringt í Gennaro Gattuso eða Luciano Spalletti.“