Rhodri Giggs, er þekktastur fyrir að vera bróður Ryan Giggs og að hafa horft upp á eiginkonu sína halda framhjá sér í átta ár með Ryan. Upp komst um framhjáhaldið árið 2011 þegar Ryan var leikmaður Manchester United.

Síðan þá hefur Rhodri ekki talað við bróður sinn og ekki móðir sína heldur, hún ákvað að styðja við bakið á Ryan. Rhodri segir ástæðuna vera vegna þess að Ryan sé ríkur og frægur.

,,Ég á ekki 35 medalíur, ég hef ekki spilað fyrir Manchester United og á ekki stórt hús,“ sagði Rhodri um ástæðuna fyrir því að hann hafi ekki talað við mömmu sína í átta ár.

Ensk blöð fjölluðu mikið um málið, hann grunaði að eiginkona sín Natasha væri að halda í við bróður sinn. Hann fékk það ekki staðfest fyrr en blöðin komust að málinu. ,,Ég komst að þessu sama dag og blöðin kom út, móðir hennar kom á heimili okkar klukkan 06:00,“ sagði Rhodri í hlaðvarpsviðtali á dögunum.

,,Það var eitt kvöldið sem United liðið var með partý, ég ætlaði að hitta hana og hringdi og hringdi. Hún svaraði ekki, mig grunaði að hún væri þarna. Ég fór þangað og þar sat hún.“

Bæði Ryan og Nathasa reyndu að segja Rhodri að kynlíf þeirra hafi ekki haft neinar tilfinningar, bara skemmtun að þeirra mati. ,,Þetta var aldrei alvöru afsökunarbeiðni, þetta var ekki frá hjartanu. Sex mánuðum síðar hefði Ryan byrjað á því sama. Ég fór beint í blöðin og hann talaði aldrei aftur við mig.“

Það særir Rhodri að mamma hans ræði ekki við hann. ,,Það er eins og ég hafi stundað framhjáhald.“

,,Ég á þrjú björn, einn af strákunum er fimm ára og hefur aldrei hitt ömmu sína. Einn er 13 ára og hefur ekki séð ömmu sína í öll þessi ár. Ég tala ekki við neinn af fjölskyldu minni, enginn af þeim vill tala við mig. Þau tala öll við Ryan og fara á leiki Wales og fá bestu sætin.“

Natasha fór í fóstureyðingu árið 2010 eftir að Ryan hafði barnað hana en eftir að hafa reynt að bjarga hjónabandinu, þá skildu Rhodri og Natasha árið 2012. Ryan Giggs skildi við eiginkonu sína árið 2017.