Fjalar Þorgeirsson hefur verið ráðinn markmannsþjálfari meistaraflokks karla. FH staðfesti þetta á vefsvæði sínu í dag.

Fjalar var áður markmannsþjálfari Stjörnunnar en lét af störfum í haust, Eiríkur Þorvarðarson lét af störfum hjá FH. Eiríkur tók til starfa hjá Val.

Fjalar verður því í teyminu sem Ólafur Kristjánsson er skipstjóri, aðstðarmenn hans eru Ásmundur Haraldsson og Guðlaugur Baldursson.

Fjalar átti farsælan feril sem leikmaður en hann lék meðal annars með Þrótti og Fylki við góðan orðstír.

FH er með markverðina Gunnar Nielsen og Daða Frey Arnarsson sem berjast um sætið í liðinu.