Freddie Ljungberg, nýr stjóri Arsenal, ætlar ekki að gera miklar breytingar á liðinu eftir að hafa tekið við af Unai Emery á föstudag.
Ljungberg var spurður út í áformin í gær og einnig út í það hvort Pierre-Emerick Aubameyang myndi halda fyrirliðabandinu.
,,Ég ætla ekki að gera gríðarlegar breytingar. Ég mun halda hlutunum eins og þeir eru,“ sagði Ljungberg.
,,Það hefur endalaust verið talað um þetta í fjölmiðlum svo ég mun láta þetta vera.“
,,Við einbeitum okkur að því hvernig við spilum og hvað við gerum á vellinum. Þið fáið að sjá hver er fyrirliði á morgun.“
