Jose Mourinho, stjóri Tottenham, er búinn að eignast nýjan besta vin í London.

Það er ungur strákur að nafni Callum Hynes sem er einn af boltastrákum Tottenham á heimavelli liðsins.

Hynes gerði Mourinho mikinn greiða gegn Olympiakos í Meistaradeildinni í vikunni er hann hjálpaði Tottenham að skora mark með því að koma boltanum strax í leik.

Mourinho fagnaði markinu með stráknum og bauð honum svo í mat fyrir leik gegn Bournemouth í dag.

Eftir fyrsta mark Tottenham í 3-2 sigri í dag þá fagnaði Mourinho aftur með stráknum sem var á sínum stað.

Hann fékk einnig að hitta allar stjörnur Tottenham fyrir leik eins og má sjá hér fyrir neðan.