Jose Mourinho hefur sent kollega sínum Unai Emery skilaboð eftir brottrekstur gærdagsins.
Emery var rekinn frá Arsenal í gær eftir slakt gengi en það er tilfinning sem Mourinho kannast við.
,,Þetta eru alltaf sorglegar fréttir. Ég fann fyrir þessu þegar pabbi minn var rekinn sem stjóri og þegar ég var áður rekinn,“ sagði Mourinho.
,,Það gleður mig ekki að sjá neinn stjóra fá sparkið. Ég finna alltaf fyrir deja vu tilfinningu.“
,,Unai er frábær stjóri, hann var ekki ánægður hjá Arsenal en hann hefur sannað sig á ferlinum.“
,,Hann fær sér smá hvíld og svo reynir annað frábært félag að fá hann. Ekkert drama vinur minn, haltu áfram og þú færð annað lið.“
