Jose Mourinho, stjóri Tottenham, viðurkennir að hann sé ekki elskaður af stuðningsmönnum félagsins – ennþá.

Mourinho tók við Tottenham nýlega og hefur unnið fyrstu þrjá leiki sína sem stjóri liðsins.

Tottenham hefur þó ekki virkað of sannfærandi hingað til og eru menn enn að meta starf Portúgalans.

,,Stuðningsmennirnir elska félagið, ég er ekki að segja að þeir elski mig en þeir taka við mér sem atvinnumanni sem vill gefa allt fyrir félagið,“ sagði Mourinho.

,,Fólk hefur meiri ástæðu til að elska mig ef þeim líkar við starfið sem ég geri en stuðningsmenn standa við bakið á liðinu og sjá okkur vinna í því að koma okkur á þann stað í töflunni sem þessi hópur á heima.“