Manuel Pellegrini, stjóri West Ham, telur að það hafi hjálpað Frank Lampard að yfirgefa Chelsea á sínum tíma.

Pellegrini tók Lampard til Manchester City á sínum tíma en hann er í dag stjóri Chelsea sem mætir West Ham í dag.

,,Það var mjög góð reynsla fyrir Frank að hafa ekki spilað allan sinn feril með Chelsea,“ sagði Pellegrini.

,,Ég veit að hann byrjaði hjá West Ham en hann spilaði mest allan atvinnumannaferilinn hjá Chelsea.“

,,Að fara til Manchester City hjálpaði honum að sjá annan leikstíl af fótbolta og það hjálpaði honum að bæta sig sem þjálfari – ég er ánægður fyrir hans hönd.“