Arsenal er nú að leita sér að nýjum knattspyrnustjóra en Unai Emery var rekinn úr starfi í gær.

Emery stýrði Arsenal í rúmlega eitt og hálft ár en gengið var ekki ásættanlegt fyrir stjórn félagsins.

Rafa Benitez er einn af þeim sem er á óskalista Arsenal en hann er hjá Dalian Yifang í Kína þessa stundina.

Benitez hefur áður þjálfað Liverpool, Chelsea og Newcastle á Englandi sem og Real Madrid á Spáni.

Greint er frá því að Arsenal hafi áhuga á að taka Benitez en launakröfurnar eru háar.

Spánverjinn vill fá 12 milljónir punda á ári ef hann á að taka við félaginu en hann fær gríðarlega vel borgað í Kína.