Sir Alex Ferguson var mættur í stúkuna í gær er Manchester United heimsótti Sheffield United. Ferguson er goðsögn hjá United en hann er sigursælasti stjóri í sögu félagsins og lét af störfum árið 2013.

Hann sá leikinn ásamt Ed Woodward, stjórnarformanni United, en honum lauk með 3-3 jafntefli. Það var hiti á milli þeirra á meðal leik stóð en Woodward öskraði til að mynda eitthvað á Skotann.

Hvað þeir voru að ræða er óljóst en talsverður hiti var á milli þeirra. Margir stuðningsmenn félagsins, kalla eftir því að Woodward verði nú rekinn. Það sé ekki boðlegt að rífast á þennan hátt við Ferguson.

Sérfræðingur í líkamstjáningu hefur reynt að lesa í stöðuna. ,,Mjög lífleg líkamstjáning Ed Woodward bendir til þess að hann sé að leggja Ferguson línurnar, hann virðist ekki alveg sáttur með goðsögnina hjá félaginu. Ferguson hefur það orð á sér að segja sína skoðun,“ sagði sérfræðingurinn við Daily Mirror.

,,Hvernig kinnar hans og munnur eru benda samt til þess að það sé einhver húmor þarna að baki. Hvernig hann beitir líkama sínum og höndum, bendir til þess að hann sé að verjast gagnrýni sem gæti komið frá Ferguson.“

,,Þeir virðast eiga í deilum ef lesa má í það hvernig Woodward notar fingurinn.“