Unai Emery, stjóri Arsenal, útilokar ekki að Granitr Xhaka spili aftur fyrir félagið um helgina er liðið mætir Southampton.

Xhaka hefur ekkert spilað síðan í október en hann kom þá illa fram við stuðningsmenn liðsins í jafntefli gegn Crystal Palace.

,,Ég veit ekki hvort hann muni spila á ný. Ef hann er reiðubúinn að halda áfram og hjálpa okkur að verja treyjyu Arsenal, tíminn mun gefa okkur það,“ sagði Emery.

,,Félagið veit hvað mér finnst um þessa stöðu og því sem henni fylgir.“

,,Við gleymum ekki hans mistökum en hann getur sýnt tryggð með endurkomunni, hann getur hagað sér vel, staðið sig vel og varist fyrir hönd Arsenal.“

,,Það er markmiðið. Hann er góður náungi, góður leikmaður og hann elskar og virðir Arsenal – hann veit þó að hann gerði mistök.“