Jose Mourinho mun ekki fá eina krónu til að eyða í nýja leikmenn í janúarglugganum samkvæmt Guardian.
Mourinho er nýr stjóri Tottenham en hann var ráðinn til starfa í morgun eftir gott frí frá fótbolta.
Portúgalinn tekur við af Mauricio Pochettino sem var vinsæll í London en hann var þar í fimm ár.
Guardian segir að Mourinho muni ekki fá að eyða í janúar en félagið er enn að borga fyrir glænýjan heimavöll.
Á næsta ári þarf Tottenham að borga enn hærri upphæð og verður því lítið til í buddunni.
