Gareth Bale, stjarna Wales, var að vonum sáttur í gær eftir 2-0 sigur á Ungverjalandi sem tryggði liðinu sæti á EM.

Aaron Ramsey skoraði bæði mörk Wales og ákvað Bale að skjóta létt á liðsfélaga sinn eftir leikinn.

,,Það gerist ekki mikið betra en þetta, þetta er magnað! Miðað við hvar við vorum í sumar þá eiga strákarnir hrós skilið fyrir endurkomuna,“ sagði Bale.

,,Þetta er einn besti dagur lífs míns. Við vörðumst vel en við getum spilað betur. Tvö mörk og hreint lak, þeir sköpuðu ekki mikið fyrir utan eina vörslu frá Wayne Hennessey.“

,,Aaron Ramsey sýndi gæðin í hvernig hann kláraði færin – við söknuðum hans. Betra fyrr en seinna býst ég við! Það var kominn tími á að hann myndi leggja sitt af mörkunum!“ bætti Bale við í gríni.