Karim Benzema, stjarna Real Madrid, hefur ekki spilað með franska landsliðinu síðan 2015.

Benzema var þá hluti af skandal sem tengdist kynlífsmyndbandi liðsfélaga hans Mathieu Valbuena.

Benzema var ásakaður um að hafa reynt að kúga fé úr Valbuena og var í kjölfarið í raun rekinn úr liðinu.

Hann gaf það út á dögunum að hann vildi fá leyfi frá knattspyrnusambandinu til að spila fyrir Alsír í staðinn.

Það mun hins vegar líklega ekki gerast en landsliðsþjálfari Alsír er ánægður með þá leikmenn sem hann er með í sínum röðum.

,,Ég er með Bahdad Bounedjah, Islam Slimani, Andy Delort og Hillal Soudani. Ég er mjög ánægður með þá leikmenn sem ég er með,“ sagði Djamel Belmadi, landsliðsþjálfari Alsír.

Hann er því ekkert að hugsa út í að taka Benzema inn sem á að baki 81 landsleik fyrir Frakka.