Ólafur Kristjánsson, þjálfari FH segir ekkert til í því að flótti sé frá félaginu. Þetta kom fram í fréttum á Stöð2.

Umræða hefur verið í hlaðvarpsþáttum á borð við Dr. Football að ólga sé Í FH, leikmenn hugi sér til hreyfings.

Davíð Þór Viðarsson og Pétur Viðarsson hafa lagt skóna á hilluna í haust, þá hafa nokkrir leikmenn farið sem ekki fengu boð um nýjan samning.

„Það þarf að fylla þætti og koma með sögur og það eru ágætis menn í því hlutverki. Þegar tíminn verður meiri þarftu að segja meira og finna eitthvað spennandi. Það er yfirleitt talað í efsta stigi,“ sagði Ólafur á Stöð2.

„Það er enginn flótti héðan. Auðvitað hafa einhverjir farið eins og í öðrum liðum. Ég hef ekki orðið var við þennan flótta.“