Roy Keane, goðsögn Manchester United, sendi Declan Rice, landsliðsmanni Englands, heldur kalda kveðju í gær.

Keane sá leik Englands og Kosovo í undankeppni EM en England vann öruggan 4-0 sigur.

Þrátt fyrir það var Keane ekki hrifinn af frammistöðu Rice og er ekki viss um að hann sé tilbúinn fyrir byrjunarliðssæti.

,,Hann þarf að bæta sig á marga vegu ef þú hugsar út í það,“ sagði Keane við ITV.

,,Hvar þarf hann að bæta sig? Hvar viltu að ég byrji? Hann er ekki nógu vel staðsettur reglulega, hann heldur ekki í við hlaupamenn og er slakur með boltann. Ég get haldið áfram.“