Sóknarmaðurinn Gonzalo Zamorano mun ekki spila með liði ÍA í Pepsi Max-deild karla á næsta ár i.
Þetta staðfesti félagið í dag en Zamorano hefur fengið samningi sínum við félagið rift.
Það gekk illa hjá leikmanninum hjá ÍA en hann spilaði yfir 20 keppnisleiki og skoraði ekki eitt mark.
Hann vakti fyrst athygli með bæði Hugin og Víkingi Ólafsvík áður en ÍA bauð honum samning.
Tilkynning ÍA:
Knattspyrnufélag ÍA og Gonzalo Zamorano hafa komist að samkomulagi um starfslok hans sem leikmaður félagsins. Hann spilaði 22 deildar- og bikarleiki fyrir félagið.
KFÍA vill þakka Gonzalo fyrir hans störf fyrir félagið og óskar honum velfarnaðar.
Gonzalo vill koma áleiðis þökkum til samherja sinna hjá ÍA og stuðningsmönnum félagsins fyrir frábært samstarf á liðnu ári. Leiðir skilja í þetta sinn en hann hefur fullan hug á að spila fótbolta áfram á Íslandi.
