Það er ekki mikið undir hjá íslenska landsliðinu fyrir leik gegn Moldóvu í undankeppni EM á morgun.

Ísland á ekki möguleika á að ná öðru sæti riðilsins en síðasti leikurinn fer fram á heimavelli Moldóva á morgun.

Það væri þó óskandi að strákarnir endi mótið vel og sérstaklega eftir svekkjandi 0-0 jafntefli við Tyrki í síðasta leik.

Moldóva er mun verra landslið en Ísland á blaði en liðið spilaði þó afar vel í 2-1 tapi gegn Frökkum nýlega.

Það þekkja ekki margir völlinn sem við spilum á í viðureign morgundagsins en hann heitir Zimbru völlurinn.

Aðstæðurnar eru ágætar á Zimbru vellinum en við tókum saman nokkrar myndir.

Hér má sjá völlinn en neðstu myndina tók blaðamaður 433 á æfingu í dag og völlurinn því í góðu standi.