Það verður skrítið að þjálfa lið Juventus í tölvuleiknum Football Manager sem er væntanlegur.
FM 2020 er væntanlegur þann 19. nóvember næstkomandi en þar setja leikmenn sig í hlutverk knattspyrnustjóra.
Juventus má ekki heita réttu nafni í þessari útgáfu leiksins eftir að hafa gert samning við japanska tölvuleikjafyrirtækið Konami sem gefur út Pro Evolution Soccer.
Ítölsku meistararnir munu heita ‘Zebre’ í nýja FM leiknum og fer leikurinn sömu leið og FIFA.
Í FIFA 20 þá heitir Juventus ekki réttu nafni heldur Piemonte Calcio þar sem Konami á einkarétt á nafninu.
