Einar Þór Sigurðsson skrifar frá Istanbúl:
Mikil spenna er í Istanbúl fyrir leik Tyrklands og Íslands í undankeppni EM. Ljóst er að leikurinn er mikilvægur fyrir bæði lið því stig dugar Tyrkjum til að tryggja EM-sætið á meðan ekkert nema sigur dugar Íslandi til að eiga möguleika á EM-sæti án umspils.
Tyrkneska landsliðið hefur verið í nokkurri lægð á undanförnum árum en liðið hefur þó verið ógnarsterkt í þessari undankeppni. Sumir Tyrkir vilja meina að leikurinn gegn Íslandi í kvöld sé sá stærsti síðan liðið lék í undanúrslitum Evrópumótsins árið 2008.
Tyrkneska liðið var mjög sterkt á þeim tíma og tapaði, 3-2, í mjög svo dramatískum undanúrslitaleik gegn Þjóðverjum í Basel. Tyrkir komust yfir í fyrri hálfleik áður en Þjóðverjar jöfnuðu fyrir hálfleik. Miroslav Klose kom Þjóðverjum í 2-1 á 79. mínútu áður en Semih Senturk jafnaði á 86.mínútu. Þegar allt stefndi í framlengingu skoraði Philipp Lahm sigurmark Þjóðverja á 90. mínútu.
We are hours away from the biggest game Turkey 🇹🇷 has played since the 2008 Euro SF
Turkey will qualify if they draw against Iceland BUT if they win and beat Andorra on Sunday they qualify as Group H leaders ahead of France!
🇹🇷 have conceded just 3 goals & kept 6 clean sheets pic.twitter.com/Pofc5891Jh
— Turkish Football (@Turkish_Futbol1) November 14, 2019
