Íslenska karlalandsliðið fer ekki beint á EM úr riðlakeppni keppninnar eftir markalaust jafntefli við Tyrki í kvöld.

Ísland þurfti á sigri að halda til að eiga möguleika á öðru sætinu en markalaust jafntefli var niðurstaðan.

Við eigum þó enn möguleika á að komast í lokakeppnina og förum í umspil í Þjóðadeildinni.

Við ræddum við Arnór Ingva Traustason eftir leik:

,,Okkur fannst frá fyrstu mínútu að þeir væru að spila upp á jafnteflið en við vildum ekki taka alla sénsa og hápressa því þeir eru góðir í fótbolta,“ sagði Arnór.

,,Við reyndum að spila þetta smart en þetta gekk ekki í dag. Þeir pökkuðu rútunni íu lokin og vonuðust eftir að vinna fyrsta og annan bolta. Þeir björguðu tvisvar á línu og það voru nokkrir vafasamir dómar.“

,,Við erum sáttir með okkar frammistöðu þó svo að við fáum eitt stig sem gefur okkur ekkert í þessari baráttu.“