Cristiano Ronaldo, leikmaður Juventus, verður ekki sektaður fyrir ófagmannlega hegðun um helgina. Ronaldo var í byrjunarliði Juventus gegn AC Milan en það fyrrnefnda fagnaði að lokum 1-0 sigri.
Ronaldo var þó tekinn af velli eftir 10 mínútur í seinni hálfleik og brást alls ekki vel við þeirri skiptingu. Juventus hefur þó ákveðið að sleppa því að refsa Portúgalanum sem strunsaði beint inn í klefa og hélt heim, áður en leikurinn var á enda.
Ítalskir miðlar segja að Ronaldo hafi öskrað á Maurizio Sarri að hann væri einfaldlega, sonur hóru. Þjálfarinn ætlar ekki að gera meira úr því en leikmenn Juventus búast við afsökunarbeiðni frá Ronaldo.
Gazzetta dello Sport segir frá því að Ronaldo verði hins vegar kallaður á fund eftir landsleikjafríið. Hann verður beðinn um að útskýra hegðun sína.
Forráðamenn Juventus eru óhressir með að Ronaldo hafi farið heim áður en leikurinn er á enda.
