Ondrej Kolar, markvörður Slavia Prag, lét stjörnur Barcelona heyra það eftir leik liðanna á þriðjudag.

Slavia náði jafntefli gegn spænska stórliðinu í Meistaradeildinni en ekkert mark var skorað í hörkuleik.

Kolar fékk að hitta markvörð Barcelona eftir leikinn en aðrir leikmenn fóru beint inn í klefa og nenntu ekki að þakka Tékkunum fyrir.

,,Marc-Andre ter Stegen beið eftir mér í leikmannagöngunum. Hann sagði við mig að hann hefði ekki séð eins eins góða frammistöðu í langan tíma og það væri gaman að sjá mig gera vel með löppunum,“ sagði Kolar.

,,Hann beið eftir mér eftir leikinn sem eru frábær verðlaun. Að heyra þetta hrós frá svo góðum markmanni, ég var með gæsahúð. Það var mögnuð upplifun en sumir af hinum leikmönnunum…“

,,Messi og aðrir fóru bara strax – sumir af þeim tóku ekki einu sinni í höndina á okkur. Það var sorglegt. Við vorum spenntir fyrir því að hitta þessar stórstjörnur, vildum skipta á treyjum en þeir komu ekki vel fram.“