Chris Kamara, sérfræðingur Sky Sports, gagnrýndi VAR harkalega í dag eftir umdeilda ákvörðun um helgina.

Mark var tekið af Liverpool í 2-1 sigri á Aston Villa þar sem Roberto Firmino var sagður vera rangstæður.

Það er mjög umdeildur dómur og seir Kamara að einhver í VAR-herberginu hafi ekki viljað dæma markið gott og gilt.

,,Ég er ekki ánægður, ég skal vera 100 prósent hreinskilinn hérna,“ sagði Kamara við Sky Sports.

,,Að mínu mati þá bjuggu þeir þetta til, einhver í Stockley Park tók þessa ákvörðun og sá sami vildi ekki gefa markið. Það er mín skoðun.“

,,Þú þarft ekki tæknina til að sjá hvar hnéð á Tyrone Mings er, Firmino er réttstæður.“

,,Þú horfir á gulu línuna og svo er svört lína þarna líka. Þeir gerðu það – það segir þér að hann hafi verið réttstæður.“