Mauricio Pochettino, stjóri Tottenham, segir að leikmenn liðsins hlæji að ummælum sparkspekinga í sjónvarpi.
Nokkrir spekingar hafa gagnrýnt Dele Alli undanfarið og má nefna Gary Neville og Roy Keane.
Alli hefur verið í lægð undanfarið en Pochettino segir að þessir sérfræðingar séu ekki með hlutina á hreinu.
,,Það er of auðvelt að gagnrýna hann núna. Þegar þú ert í sjónvarpinu þá þarftu að segja eitthvað,“ sagði Pochettino.
,,Þegar þú ert ekki hjá félaginu þá ertu ekki með allar upplýsingarnar. Það þýðir að fólkið hjá félaginu mun hlæja að þér.“
