Halldór Árnason er nýr aðstoðarþjálfari Breiðabliks en félagið staðfesti þetta í gær.
Halldór hafði starfað með Óskari Hrafni Þorvaldssyni hjá Gróttu og komu þeir liðinu upp í efstu deild í sumar.
Óskar fékk í kjölfarið tilboð frá Blikum og ákvað að taka því. Halldór fer með honum þangað.
Samkvæmt heimildum 433.is þá hafnaði Halldór boði Gróttu um að taka við félaginu.
Fundað var um framtíðina í gær en á þeim fundi þá tilkynnti Halldór félaginu að hann ætlaði að taka slaginn í Kópavogi.
Fyrr í vikunni greindum við frá því að Bjarni Guðjónsson væri efstur á óskalista Gróttu og voru viðræður farnar af stað.
Það er þó ekki líklegt að Bjarni taki við en hann er í dag aðstoðarþjálfari Rúnars Kristinssonar hjá KR.
