Arna Eiríksdóttir gerir samning við Íslandsmeistara Vals út árið 2023 Arna sem fædd er árið 2002 kemur til félagsins frá HK/Víking.

Hún á að baki 22 leiki fyrir meistaraflokk HK/Víkings og jafnframt 20 leiki fyrir yngri landslið Íslands og hefur spilað lykilhlutverk í vörn U19 ára landslið Íslands undanfarið ár.

Pétur Pétursson
„Við erum ótrúlega ánægð með að fá Örnu til liðs við okkur, Arna hefur verið í lykilhlutverki í vörn HK/Víkings undanfarin tvö ár og við hlökkum til að sjá hana vaxa hjá okkur“.

Arna Eiríksdóttir
„Ég er ótrúlega spennt fyrir komandi tímum og hlakka til að byrja að æfa með þessu frábæra liði. Framundan eru nýjar og krefjandi áskoranir sem ég hlakka til að kljást við í góðu umhverfi. Á sama tíma vil ég þakka uppeldis félagi mínu fyrir frábærar minningar innan sem utan vallar og vil þakka leikmönnum, þjálfurum og öðrum starfsmönnum fyrir frábæra tíma“.